Qashqadaryoda 2019-yilning o‘tgan davri mobaynida litsenziyasiz faoliyat yuritgan 1652 nafar haydovchidan 2 milliard 185 million so‘m jarima undirildi. Bu haqda “Daryo”ga Qashqadaryo viloyat transport boshqarmasi ma’lum qilmoqda.
Ma’lum bo‘lishicha, joriy yilning o‘tgan davri mobaynida viloyat transport boshqarmasi hamda Yo‘l harakati xavfsizligi boshqarmasi hamkorligida 1173 marotaba reyd o‘tkazilgan.
Mazkur reydlar davomida 3201 ta ma’muriy bayonnoma rasmiylashtirilgan bo‘lib, 283 ta huquqbuzarlik litsenziyasiz yuk tashuvchilar hissasiga to‘g‘ri kelgan. 2918 ta holatda esa haydovchilar litsenziyasiz yo‘lovchi tashiyotgani ma’lum bo‘lgan.
Viloyat transport boshqarmasining ma’lumot berishicha, 1652 nafar huquqbuzarga 2 milliard 185 million jarima jazosi qo‘llanilgan bo‘lsa, 1549 nafar haydovchi litsenziya olgani bois jarimadan ozod etilib, ogohlantirilgan.
1549 nafar litsenziya oluvchilar hisobidan davlat budjetiga 798 million 400 ming so‘m mablag‘ tushgan.
Ma’lumot uchun, ayni vaqtda viloyatda 4971 ta avtomobil faoliyati qonuniylashtirilib, litsenziya olgan bo‘lsa, shundan 3478 ta yengil avtomobil taksi xizmatini o‘taydi. 3478 ta taksining 1674 tasi Qarshi shahrida faoliyat ko‘rsatadi.
Izoh (0)