“O‘zatom” bosh direktori boshchiligida delegatsiya Benilyuks davlatlariga safar qiladi

Energetika vazirining birinchi o‘rinbosari, Atom energetikasini rivojlantirish bo‘yicha agentlik bosh direktori Jo‘rabek Mirzamahmudov boshchiligida O‘zbekiston delegatsiyasi 24—28-sentabr kunlari Benilyuks davlatlarida safarda bo‘ladi. Bu haqda TIV matbuot xizmati ma’lum qildi.

Delegatsiya tarkibiga Investitsiyalar va tashqi savdo hamda Transport vazirliklari vakillari ham kirgan.

Safar dasturidan “Yevroittifoq — Osiyo bog‘liqligi: barqaror kelajakka eltuvchi ko‘priklar barpo etish” forumida ishtirok etish, mamlakatda yoqilg‘i-enegetika sohasida olib borilayotgan islohotlar taqdimoti, O‘zbekistonga investitsiyalar imkoniyati, shuningdek, “Yevratom” va qator nufuzli kompaniyalar rahbariyati bilan ikki tomonlama uchrashuvlar o‘rin olgan.