Qozog‘istonda sport kurashlari bo‘yicha Jahon chempionati davom etmoqda. 15-sentabr, yakshanba kuni yunon-rim kurashi bo‘yicha -87 kilogramm vazn toifasida bahs olib borayotgan o‘zbekistonlik sportchi Rustam Assakalov yarim final yo‘llanmasini qo‘lga kiritdi.
Assakalov chorak finalda kubalik kurashchini mag‘lubiyatga uchratdi va yarim finalda vengriyalik Viktor Lorinsga qarshi gilamga chiqadi. Rustam bunga qadar Panama, Turkiya va Rossiya terma jamoasi vakillarini mag‘lubiyatga uchratgandi.
Eslatib o‘tamiz, musobaqa reglamentiga ko‘ra, yarim final ishtirokchilari Tokio—2020 Olimpiadasida ishtirok etish huquqini qo‘lga kiritadi.
Ma’lumot uchun, Rustam Assakalov 2015-yili Las-Vegas mezbonlik qilgan dunyo birinchiligida kumush medalni qo‘lga kiritib, Rio Olimpiadasiga yo‘llanma olgan edi.
Yanada ko‘proq kurash va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)