Toshkentning Yakkasaroy tumanida joylashgan Yunus Rajabiy nomidagi mahalla hududidagi tashlandiq hudud tuman Ichki ishlar organlari Faoliyatini muvofiqlashtirish boshqarmasi boshlig‘i va shaxsiy tarkibi tashabbusi bilan bolalar o‘yingohiga aylantirildi.
Hudud maishiy va qurilish chiqindilari, xavfli chuqurliklar, qurigan barg va shox-shabba uyumlariga to‘la bo‘lgan. “Hudud tozalanib, chiqindilar olib chiqib ketildi, maxsus texnika yordamida yer tekislandi. Hudud obod qilinib, yorqin ranglar bilan jilolandi”, — deya xabar bermoqda Toshkent shahar IIBB axborotida.
IIBB matbuot xizmati bolalar o‘yingohiga aylangan tashlandiq hududning avvalgi va hozirgi holatlari aks etgan suratlarni e’lon qildi.
Izoh (0)