“Ufa” — “Zenit”
Ushbu turning ham sensatsion natijasi Ufada qayd etildi. Vadim Yevseyev shogirdlari bu safar amaldagi chempion va turnir peshqadamini to‘xtatdi. Piterliklarga tengma-teng qarshilik ko‘rsatgan “Ufa” 79-daqiqada Danil Fomin tomonidan kiritilgan gol evaziga g‘alabani qo‘lga kiritdi.
Eslatib o‘tamiz, avvalgi turda “Ufa” o‘z maydonida “Rostov” ustidan g‘alaba qozongandi. Mazkur g‘alabadan keyin ufaliklar “xavfli hudud”ni tark etgan holda 10-o‘ringa ko‘tarilib oldi.SSKA — “Axmat”
“Rostov” — “Rubin”
“Rostov” o‘z maydonida “Rubin” bilan kuch sinashdi va irodali g‘alabani qo‘lga kiritdi. Avvaliga qozonliklar Yevgeniy Markovning golidan keyin oldinga o‘tib oldi. 29-daqiqada o‘zbekistonlik hujumchi Eldor Shomurodov chap qanotdan yorib kirgan holda raqib darvozasini ishg‘ol qildi. O‘yin yakunlanishi arafasida Aleksandr Saplinov rostovliklarga g‘alaba keltigan golga muallif bo‘ldi.
Uchrashuvda Shomurodov to‘liq harakat qildi va bahsning eng yaxshi o‘yinchisi nomiga loyiq ko‘rildi. “Rubin”da harakat qilayotgan Vitaliy Denisov esa bu o‘yinda ham maydonga tushmadi.
Shu tariqa, bu g‘alaba “Rostov”ni yetakchilar qatoriga qaytardi, Eldor esa to‘purarlar poygasidagi holatini yaxshilab oldi.“Arsenal” — “Orenburg”
“Orenburg” mazkur turda Tulada mehmon bo‘ldi va navbatdagi mag‘lubiyatni qabul qilib oldi. Bu orenburgliklar uchun RPL ushbu mavsumidagi 5-mag‘lubiyat bo‘ldi va jamoa yaqqol autsayderga aylanib qoldi. O‘zbekistonlik futbolchi Vadim Afonin o‘yinning boshidan oxirigacha harakat qildi.
Boshqa uchrashuvlar
“Krasnodar” va “Lokomotiv” jamoalari o‘zaro durang o‘ynadi, bu bilan klublar yaqqol peshqadamga aylanish imkoniyatdan quruq qoldi. Yana bir qiziqarli o‘yin Samarada bo‘lib o‘tdi. “Spartak” safarda “Krilya Sovetov” bilan bahs yuritdi va hakam tomonidan qo‘shib berilgan vaqtdagi gol evaziga g‘alabani qo‘lga kiritdi.Tur raqamlarda
7-turdan keyin bir yo‘la beshta jamoa 14 ochkodan to‘plagan holda eng yuqori pog‘onani bo‘lishib turibdi. Shuningdek, birinchi va o‘ninchi o‘rindagi jamoani to‘rt ochko ajratib turibdi.Ushbu turda jami 21 ta gol urildi, ularning 13 tasi mezbonlar tomonidan kiritilgan bo‘lsa, qolgan 8 tasiga mehmonlar muallif bo‘lgan. Bitta uchrashuvda (SSKA — “Axmat”) yirik hisob qayd etildi, shuningdek, durang soni ham bitta bo‘ldi.
“Orenburg” va “Sochi” jamoalari hali xam g‘alaba qozona olgani yo‘q. “Krilya Sovetov” esa biror marta durang qayd etmagan yagona klub bo‘lib turibdi.Ramziy terma jamoa
Musobaqa jadvali
To‘purarlar ro‘yxati
- Aleksandr Sobolyev — 6 ta gol
- Eldor Shomurodov — 5
- Artyom Dzyuba — 4
- Ivan Ignatyev — 3
- Samuel Jigo — 3
- Gjegoj Krixovyak — 3
- Andrey Panyukov — 3
- Danil Fomin — 3
RPL
7-tur bahslari
24-avgust, shanba
“Tambov” – “Dinamo” 0:2
Gollar: 0:1 — 41 Filipp, 0:2 — 80 Panchenko“Ufa” – “Zenit” 1:0
Gol: 1:0 — 79 Fomin“Krasnodar” – “Lokomotiv” 1:1
Gollar: 0:1 — 5 Krixovyak, 1:1 — 42 Suleymanov25-avgust, yakshanba
SSKA – “Axmat” 3:0
Gollar: 1:0 — 43 Fernandes, 2:0 — 66 Chalov, 3:0 — 73 Vlashich“Krilya Sovetov” – “Spartak” 1:2
Gollar: 1:0 — 42 Sobolyev, 1:1 — 54 Larsson, 1:2 — 90+1 Til“Rostov” – “Rubin” 2:1
Gollar: 0:1 — 15 Markov, 1:1 — 29 Shomurodov, 2:1 — 87 Saplinov“Arsenal Tula” – “Orenburg” 2:1
Gollar: 1:0 — 23 Lomoviskiy, 1:1 — 52 Despotovich, 2:1 — 69 Lutsenko26-avgust, dushanba
“Ural” – “Sochi” 3:1
Gollar: 1:0 – 16, penalti Bikfalvi, 1:1 – 43 Zabolotniy, 2:1 – 73 Panyukov, 3:1 – 84 DimitrovYanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)