«Уфа» — «Зенит»
Ушбу турнинг ҳам сенсацион натижаси Уфада қайд этилди. Вадим Евсеев шогирдлари бу сафар амалдаги чемпион ва турнир пешқадамини тўхтатди. Питерликларга тенгма-тенг қаршилик кўрсатган «Уфа» 79-дақиқада Данил Фомин томонидан киритилган гол эвазига ғалабани қўлга киритди.
Эслатиб ўтамиз, аввалги турда «Уфа» ўз майдонида «Ростов» устидан ғалаба қозонганди. Мазкур ғалабадан кейин уфаликлар «хавфли ҳудуд»ни тарк этган ҳолда 10-ўринга кўтарилиб олди.ЦСКА — «Ахмат»
«Ростов» — «Рубин»
«Ростов» ўз майдонида «Рубин» билан куч синашди ва иродали ғалабани қўлга киритди. Аввалига қозонликлар Евгений Марковнинг голидан кейин олдинга ўтиб олди. 29-дақиқада ўзбекистонлик ҳужумчи Элдор Шомуродов чап қанотдан ёриб кирган ҳолда рақиб дарвозасини ишғол қилди. Ўйин якунланиши арафасида Александр Саплинов ростовликларга ғалаба келтиган голга муаллиф бўлди.
Учрашувда Шомуродов тўлиқ ҳаракат қилди ва баҳснинг энг яхши ўйинчиси номига лойиқ кўрилди. «Рубин»да ҳаракат қилаётган Виталий Денисов эса бу ўйинда ҳам майдонга тушмади.
Шу тариқа, бу ғалаба «Ростов»ни етакчилар қаторига қайтарди, Элдор эса тўпурарлар пойгасидаги ҳолатини яхшилаб олди.«Арсенал» — «Оренбург»
«Оренбург» мазкур турда Тулада меҳмон бўлди ва навбатдаги мағлубиятни қабул қилиб олди. Бу оренбургликлар учун РПЛ ушбу мавсумидаги 5-мағлубият бўлди ва жамоа яққол аутсайдерга айланиб қолди. Ўзбекистонлик футболчи Вадим Афонин ўйиннинг бошидан охиригача ҳаракат қилди.
Бошқа учрашувлар
«Краснодар» ва «Локомотив» жамоалари ўзаро дуранг ўйнади, бу билан клублар яққол пешқадамга айланиш имкониятдан қуруқ қолди. Яна бир қизиқарли ўйин Самарада бўлиб ўтди. «Спартак» сафарда «Крилья Советов» билан баҳс юритди ва ҳакам томонидан қўшиб берилган вақтдаги гол эвазига ғалабани қўлга киритди.Тур рақамларда
7-турдан кейин бир йўла бешта жамоа 14 очкодан тўплаган ҳолда энг юқори поғонани бўлишиб турибди. Шунингдек, биринчи ва ўнинчи ўриндаги жамоани тўрт очко ажратиб турибди.Ушбу турда жами 21 та гол урилди, уларнинг 13 таси мезбонлар томонидан киритилган бўлса, қолган 8 тасига меҳмонлар муаллиф бўлган. Битта учрашувда (ЦСКА — «Ахмат») йирик ҳисоб қайд этилди, шунингдек, дуранг сони ҳам битта бўлди.
«Оренбург» ва «Сочи» жамоалари ҳали хам ғалаба қозона олгани йўқ. «Крилья Советов» эса бирор марта дуранг қайд этмаган ягона клуб бўлиб турибди.Рамзий терма жамоа
Мусобақа жадвали
Тўпурарлар рўйхати
- Александр Соболев — 6 та гол
- Элдор Шомуродов — 5
- Артём Дзюба — 4
- Иван Игнатев — 3
- Самюэль Жиго — 3
- Гжегож Криховяк — 3
- Андрей Панюков — 3
- Данил Фомин — 3
РПЛ
7-тур баҳслари
24 август, шанба
«Тамбов» – «Динамо» 0:2
Голлар: 0:1 — 41 Филипп, 0:2 — 80 Панченко«Уфа» – «Зенит» 1:0
Гол: 1:0 — 79 Фомин«Краснодар» – «Локомотив» 1:1
Голлар: 0:1 — 5 Криховяк, 1:1 — 42 Сулейманов25 август, якшанба
ЦСКА – «Ахмат» 3:0
Голлар: 1:0 — 43 Фернандес, 2:0 — 66 Чалов, 3:0 — 73 Влашич«Крилья Советов» – «Спартак» 1:2
Голлар: 1:0 — 42 Соболев, 1:1 — 54 Ларссон, 1:2 — 90+1 Тил«Ростов» – «Рубин» 2:1
Голлар: 0:1 — 15 Марков, 1:1 — 29 Шомуродов, 2:1 — 87 Саплинов«Арсенал Тула» – «Оренбург» 2:1
Голлар: 1:0 — 23 Ломовиский, 1:1 — 52 Деспотович, 2:1 — 69 Луценко26 август, душанба
«Урал» – «Сочи» 3:1
Голлар: 1:0 – 16, пенальти Бикфалви, 1:1 – 43 Заболотний, 2:1 – 73 Панюков, 3:1 – 84 ДимитровЯнада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!