O‘zbekiston Mustaqilligining 28 yilligi bayrami arafasida Navbahor tumani markazida zamonaviy loyiha asosida tuman FVB YoXB bo‘limining yangi binosi foydalanishga topshirildi. Bu haqda FVV matbuot xizmati ma’lum qildi.
Binoning tantanali ochilish marosimida FVV, Navoiy viloyati hokimligi, davlat va jamoat tashkilotlari hamda keng jamoatchilik vakillari ishtirok etgan.
Zamonaviy ko‘rinishda qurilgan ushbu bino barcha qulayliklarga ega bo‘lib, xodimlar uchun xizmat xonalari, majlislar zali, oshxona va dam olish xonasi mavjud. Shaxsiy tarkibning jangovar shayligini oshirish maqsadida sport zali hamda futbol va voleybol o‘yingohlari ham tashkil etilgan.
Tadbir davomida viloyatning olis tumanlarida joylashgan FVB bo‘limlariga maxsus qutqaruv asbob-anjomlari topshirilgan.
Shuningdek, Qurbon hayiti munosabati bilan FVB YoXBda faoliyat olib borayotgan xodimlarni ijtimoiy qo‘llab-quvvatlash maqsadida besh nafar oila farzandlariga sunnat to‘yi va bir nafar xodimning nikoh to‘yi o‘tkazilgan hamda ularga qimmatbaho sovg‘alar taqdim etilgan.
Izoh (0)