Lola Karimova-Tillayeva o‘zbekistonliklarni Qurbon hayiti bilan tabrikladi.
“Dunyoning millionlab musulmonlari Haj amalini ado etayotgan shunday muqaddas kunlarda mehribon va rahmli Parvardigordan insoniyatga tinchlik-hotirjamlik, ezgulik va hamjihatlik, baxt-saodat ato etishini so‘rayman. Barchangizning yaxshi niyatlar ila qilgan ezgu ishlaringiz, ibodatlaringiz, Olloh yo‘lida bajargan qurbonliklaringiz va xayr-ehsonlaringiz qabul bo‘lsin. Iyd Muborak!”, — deyiladi tabrik matnida.
Postga Samarqand shahridagi Tillakori madrasasining gumbazi surati ilova qilingan. Gumbaz bezagi optik illyuziya hisobga olingan holda bajarilgan bo‘lib, aylana chetidagi naqshu nigorlar tufayli uning hajmi yanada kattaroq ko‘rinadi. Tillakori madrasasi 1660-yilda qurilgan.
Madrasa joylashgan azim Registon maydoni Islom Karimov hayot yo‘lining so‘ngi manzili bo‘lib, bu yerda Birinchi Prezidentning janozasi o‘qilgan.
Izoh (0)