Лола Каримова-Тиллаева ўзбекистонликларни Қурбон ҳайити билан табриклади.
«Дунёнинг миллионлаб мусулмонлари Ҳаж амалини адо этаётган шундай муқаддас кунларда меҳрибон ва раҳмли Парвардигордан инсониятга тинчлик-ҳотиржамлик, эзгулик ва ҳамжиҳатлик, бахт-саодат ато этишини сўрайман. Барчангизнинг яхши ниятлар ила қилган эзгу ишларингиз, ибодатларингиз, Оллоҳ йўлида бажарган қурбонликларингиз ва хайр-эҳсонларингиз қабул бўлсин. Ийд Муборак!», — дейилади табрик матнида.
Постга Самарқанд шаҳридаги Тиллакори мадрасасининг гумбази сурати илова қилинган. Гумбаз безаги оптик иллюзия ҳисобга олинган ҳолда бажарилган бўлиб, айлана четидаги нақшу нигорлар туфайли унинг ҳажми янада каттароқ кўринади. Тиллакори мадрасаси 1660 йилда қурилган.
Мадраса жойлашган азим Регистон майдони Ислом Каримов ҳаёт йўлининг сўнги манзили бўлиб, бу ерда Биринчи Президентнинг жанозаси ўқилган.
Изоҳ (0)