Futbol bo‘yicha O‘zbekiston Superligasining 15-turi doirasida 31-iyul, chorshanba kuni so‘nggi 2 ta bellashuv yakuniga yetdi.
O‘tgan turda “Qizilqum”ga mag‘lub bo‘lgan (0:1) Namanganning “Navbahor” klubi safarda “Buxoro” bilan bahsga kirishdi.
O‘yinda hisob ochilmadi va jamoalar bir ochkodan bo‘lishib oldi.
Qayd etish joiz, Namangan klubi 22 ochko to‘plagan holda musobaqa jadvalida 6-o‘rinda bormoqda. “Buxoro” esa 11 ochko bilan 13-o‘rinni egallab turibdi.
Ro‘ziqul Berdiyev boshliq Qarshining “Nasaf” jamoasi o‘z uyida Bekobodning “Metallurg” klubi bilan bellashdi.
Uchrashuv davomida Bekobod klub vakili Bahodir Pardayev (19, 42) ikki bor raqib darvozasini ishg‘ol qilgan bo‘lsa, 74-daqiqada mezbon jamoa a’zosi Oybek Bozorov hisobni qisqartirdi (2:1).
Shu tariqa “Nasaf” o‘z maydonida “Metallurg”ga 1:2 hisobida yutqazib qo‘ydi.
Mazkur o‘yindan so‘ng “Metallurg” ochkolari sonini 20 taga yetkazib, musobaqa jadvalida 8-o‘ringa ko‘tarilib olgan bo‘lsa, 4-o‘rinda borayotgan “Nasaf” hisobida esa 24 ochko mavjud.
15-turdan so‘ng musobaqa jadvalidagi holat:
Coca-Cola Superligasi
15-tur bahslari
31-iyul, chorshanba
“Buxoro”—“Navbahor” 0:0
“Buxoro”: Rahimjon Davronov, Bobur Omonov, Salamat Qutiboyev, Asadbek Sobirjonov, Akobir To‘rayev (Andrey Sidorov, 66), Sardor Sulaymonov, Behruz Shodmonov, Ergash Ismoilov, Milovan Kapor, Fatxullo Fatxulloyev, Artyom Kulesha“Navbahor”: O‘tkir Yusupov, Azimjon Ahmedov, Ivan Solovyov, Azizbek Turg‘unboyev, Aleksandr Kasyan, Obid Jo‘raboyev, Mirzohid G‘ofurov, Igor Golban, Jahongir Mehmonov, Ilhom Alijonov, Amirbek Jo‘raboyev
Ogohlantirishlar: Amirbek Jo‘raboyev (54), Mirzohid G‘ofurov (67)
“Nasaf”—“Metallurg” 1:2
Gollar: 0:1 — 19 Pardayev, 0:2 — 42 Pardayev, 1:2 — 74 Bozorov“Nasaf”: Abduvohid Ne’matov, G‘olib G‘aybullayev, Aziz G‘aniyev, Dilshod Saidov (Islom Rashidxonov, 46), Humoyun Murtazoyev, Bobir Abduholiqov (Oybek Bozorov, 65), Sharof Muhiddinov, Doniyorjon Narzullayev, Sardor Abduraimov, Xurshidbek Muxtorov, Umarbek Eshmurodov
“Metallurg”: Aleksandr Lobanov, Abbosjon Otaxonov, Suhrob Nurulloyev (Andrey Shipilov, 63), Islombek Isoqjonov, Bahrom Abdurahimov (Server Jeparov, 88), Muzaffar Muzaffarov, Shavkatjon Mullajonov, Kamoliddin Tojiyev, Stanislav Andreyev, Akbar Ismatullayev, Bahodir Pardayev
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)