Футбол бўйича Ўзбекистон Суперлигасининг 15-тури доирасида 31 июль, чоршанба куни сўнгги 2 та беллашув якунига етди.
Ўтган турда «Қизилқум»га мағлуб бўлган (0:1) Наманганнинг «Навбаҳор» клуби сафарда «Бухоро» билан баҳсга киришди.
Ўйинда ҳисоб очилмади ва жамоалар бир очкодан бўлишиб олди.
Қайд этиш жоиз, Наманган клуби 22 очко тўплаган ҳолда мусобақа жадвалида 6-ўринда бормоқда. «Бухоро» эса 11 очко билан 13-ўринни эгаллаб турибди.
Рўзиқул Бердиев бошлиқ Қаршининг «Насаф» жамоаси ўз уйида Бекободнинг «Металлург» клуби билан беллашди.
Учрашув давомида Бекобод клуб вакили Баҳодир Пардаев (19, 42) икки бор рақиб дарвозасини ишғол қилган бўлса, 74-дақиқада мезбон жамоа аъзоси Ойбек Бозоров ҳисобни қисқартирди (2:1).
Шу тариқа «Насаф» ўз майдонида «Металлург»га 1:2 ҳисобида ютқазиб қўйди.
Мазкур ўйиндан сўнг «Металлург» очколари сонини 20 тага етказиб, мусобақа жадвалида 8-ўринга кўтарилиб олган бўлса, 4-ўринда бораётган «Насаф» ҳисобида эса 24 очко мавжуд.
15-турдан сўнг мусобақа жадвалидаги ҳолат:
Coca-Cola Суперлигаси
15-тур баҳслари
31 июль, чоршанба
«Бухоро»—«Навбаҳор» 0:0
«Бухоро»: Раҳимжон Давронов, Бобур Омонов, Саламат Қутибоев, Асадбек Собиржонов, Акобир Тўраев (Андрей Сидоров, 66), Сардор Сулаймонов, Беҳруз Шодмонов, Эргаш Исмоилов, Милован Капор, Фатхулло Фатхуллоев, Артём Кулеша«Навбаҳор»: Ўткир Юсупов, Азимжон Аҳмедов, Иван Соловёв, Азизбек Турғунбоев, Александр Касян, Обид Жўрабоев, Мирзоҳид Ғофуров, Игор Голбан, Жаҳонгир Меҳмонов, Илҳом Алижонов, Амирбек Жўрабоев
Огоҳлантиришлар: Амирбек Жўрабоев (54), Мирзоҳид Ғофуров (67)
«Насаф»—«Металлург» 1:2
Голлар: 0:1 — 19 Пардаев, 0:2 — 42 Пардаев, 1:2 — 74 Бозоров«Насаф»: Абдувоҳид Неъматов, Ғолиб Ғайбуллаев, Азиз Ғаниев, Дилшод Саидов (Ислом Рашидхонов, 46), Ҳумоюн Муртазоев, Бобир Абдуҳолиқов (Ойбек Бозоров, 65), Шароф Муҳиддинов, Дониёржон Нарзуллаев, Сардор Абдураимов, Хуршидбек Мухторов, Умарбек Эшмуродов
«Металлург»: Александр Лобанов, Аббосжон Отахонов, Суҳроб Нуруллоев (Андрей Шипилов, 63), Исломбек Исоқжонов, Баҳром Абдураҳимов (Сервер Жепаров, 88), Музаффар Музаффаров, Шавкатжон Муллажонов, Камолиддин Тожиев, Станислав Андреев, Акбар Исматуллаев, Баҳодир Пардаев
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)