O‘zbekiston va Qozog‘istonning bir qator shaharlari aholisi 26-iyul oqshomida osmonda Rossiyaning “Topol” qit’alararo ballistik raketasining parvozini kuzatgan bo‘lishi mumkin. Repost’ning yozishicha, kuni kecha shunday raketa Rossiyaning Astraxan viloyatidagi o‘quv mashg‘ulotlari vaqtida uchirilgan.
“RIA Novosti”ning yozishicha, o‘quv mashg‘ulotlari Kapustin Yar markaziy davlat poligonida o‘tkazilgan. Parvozdan so‘ng raketaning o‘quv jangovar qismi Qozog‘istonning Sari-Shag‘an poligonidagi shartli nishonni borib urgan, deya xabar bermoqda Rossiya Mudofaa vazirligi.
Eslatib o‘tamiz, 26-iyul oqshomida o‘zbekistonlik va qozog‘istonlik internet foydalanuvchilari ijtimoiy tarmoqlarga tungi osmonda kuzatilgan chaqnash aks etgan videoroliklarni yuklay boshladi. O‘zbekistonda samodagi bunday hodisani Samarqand, Buxoro, Toshkent shaharlarida kuzatish mumkin bo‘lgan.
Avvalroq Boyqo‘ng‘ir kosmodromidan uchirilgan “Soyuz” raketasining izi O‘zbekistondan ko‘ringan edi.
Izoh (0)