O‘zbekiston Liberal-demokratik partiyasining yangilangan va saylovoldi dasturi loyihalari muhokama qilindi. Unda Bank-moliya akademiyasining moliya kafedrasi mudiri Dilshod Rahmonov valyutafurushlar haqida fikr bildirgan.
“Jinoyatchilik butun dunyoda kamaymoqda. Yevropada o‘qigan paytlarimizda ko‘rganimiz —qamoqxonalarda odamlar qolmayapti, u yerda ishlovchilar ishdan bo‘shab ketyapti. Nega desangiz jinoyatchilik kamaymoqda. Sababi nima? Sabab, ular jinoyatchilikni kamaytirmayapti, balki jinoyatchi maqomini o‘zgartiryapti.
Misol uchun, bozorlarimizda haligacha valyutafurushlar bor. Biz ularga hozirgacha jinoyatchi sifatida qaraymiz. Aslida biz ularga soliq to‘lovchi sifatida qarashimiz kerak. Boshimdan o‘tgan, 5—6 yil oldin borganimda bankka kirdim. Dollarni yevroga aylantirishim kerak edi. Biroq bank xodimlari ‘Uzr, bizda bunaqa xizmat ko‘rsatilmaydi’, dedi. Shunday katta bankda yo‘qmi bunaqa xizmat desam, ‘yo‘q’ dedi. Vaholanki, bu kabi xizmatni ularda xususiy sektor ko‘rsatar ekan. Biz ham valyutafurushlarga xususiy sektor maqomini berib, soliqqa tortishimiz kerak. Buning uchun katta narsa kerakmas. Alohida qonun ishlab chiqarmay, qonunchilikka o‘zgartirish kiritish kerak, bo‘ldi”.
https://www.facebook.com/UzLiDeP/videos/492834048133034/?v=492834048133034
Izoh (0)