Majburiy ijro byurosining Boysun tuman bo‘limi Termiz shahridagi “Innovatsion Temirbeton Servis” MChJ foydasiga Boysun tumanidagi “Bekzod Me’mor” MChJdan 20 millon so‘mdan ortiq qarzdorlik pullarini undirib berdi. Bu haqda “Daryo”ga MIB matbuot xizmati xabar berdi.
Ma’lum qilinishicha, Termiz shahridagi “Innovatsion Temirbeton Servis” Boysun tumanidagi “Bekzod Me’mor” korxonasi bilan 104 million so‘mlik shartnoma tuzadi. “Innovatsion Temirbeton Servis” shartnomaga asosan har xil o‘lchamdagi beton va temirbeton mahsulotlarini yetkazib beradi, lekin pullarni o‘z vaqtida olmaydi.
Shundan so‘ng, korxona sudga murojaat qiladi. Sud shartnoma shartlariga ko‘ra, to‘lanmay qolgan 20 million 500 ming so‘m hamda 5 million 125 ming so‘m penya undirishni belgilaydi. Qaror ijrosini ta’minlash Majburiy ijro byurosining Boysun tuman bo‘limiga yuklatiladi.
Izoh (0)