МИБ бир тадбиркор фойдасига бошқа тадбиркордан қарздорлик пулларини ундириб берди
Мажбурий ижро бюросининг Бойсун туман бўлими Термиз шаҳридаги «Инновацион Темирбетон Сервис» МЧЖ фойдасига Бойсун туманидаги «Бекзод Меъмор» МЧЖдан 20 миллон сўмдан ортиқ қарздорлик пулларини ундириб берди. Бу ҳақда «Дарё»га МИБ матбуот хизмати хабар берди.
Маълум қилинишича, Термиз шаҳридаги «Инновацион Темирбетон Сервис» Бойсун туманидаги «Бекзод Меъмор» корхонаси билан 104 миллион сўмлик шартнома тузади. «Инновацион Темирбетон Сервис» шартномага асосан ҳар хил ўлчамдаги бетон ва темирбетон маҳсулотларини етказиб беради, лекин пулларни ўз вақтида олмайди.
Шундан сўнг, корхона судга мурожаат қилади. Суд шартнома шартларига кўра, тўланмай қолган 20 миллион 500 минг сўм ҳамда 5 миллион 125 минг сўм пеня ундиришни белгилайди. Қарор ижросини таъминлаш Мажбурий ижро бюросининг Бойсун туман бўлимига юклатилади.
Изоҳ
Кириш
Асосий янгиликлар
