Qoraqalpog‘iston Respublikasining Qonliko‘l tumanida 2019-yil 24-iyul kuni soat 11:40 larda oqibati o‘lim bilan yakunlangan YTH sodir bo‘ldi, deb xabar berdi IIV Jamoatchilik va OAV bilan aloqalar boshqarmasi.
“Amudaryo tumanida yashovchi 33 yoshli I.D boshqaruvidagi ‘VAZ-2107’ rusumli avtomashinasini “G‘uzor-Buxoro-Nukus-Beyneu” yo‘lida haydab ketayotib, boshqaruvni eplay olmay yo‘l chetidagi beton simyog‘ochga urilib, to‘qnashuv sodir etgan.
Natijada avtomashinaning ikki nafar yo‘lovchilari jarohat olib voqea joyida vafot etgan hamda haydovchi I.D va yana bir nafar yo‘lovchisi 19 yoshli A.Alar jarohat olib kasalxonaga yotqizilgan”, — deyiladi xabarda.
Holat yuzasidan jinoyat ishi qo‘zg‘atilib, tergov harakatlari olib borilmoqda.
Izoh (0)