Жиззах вилоятининг Ғаллаорол тумани, Қўйтош шаҳарчасида газ қувурлари бир гуруҳ кишилар томонидан кесиб олиниб, талон-тарож қилинди. Бу ҳақда «Дарё» мобил мухбири хабар бермоқда.
Қайд этилишича, бунга ўзини туман ҳокими ўринбосари деб таништирган шахс ва ШФЙ раиси бошчилик қилган.
«Биз туман ёки вилоят ҳокими қарори бор-йўқлигини сўраганимизда кўрсата олишмади. Бундан ташқари, газ қувурларини кесиш чоғида ҳовли деворлари устига тушиб, шиферлар ва деворга талофат етказилди. Буни ким тўғирлаб бериши сўралганда ҳеч ким зиммасига олмади. Қўйтош ўтган йили ‘Обод қишлоқ’ дастурига тушган, лекин тайёр қувурларни кесиб, йўқ қилиш тўғримикин? Яқин йилларда газ берилса кейин нима қиламиз?» дейилади хабарда.
Изоҳ (0)