Qozog‘iston prezidenti Qosim-Jo‘mart To‘qayev qozog‘istonliklarga internet va ijtimoiy tarmoqlarga kirishni cheklash kerakmi-yo‘qmi, degan savolga javob berdi.
“Nur.kz”ning xabar berishicha, prezident rossiyalik jurnalist Aleksey Pivovarovga bergan intervyusida internetdan foydalanish yetarlicha bilimni talab qiluvchi murakkab masala ekanligini ta’kidlagan.
“Hozirgi zamonda shilliqqurt kabi berkinib olishning iloji yo‘q. Baribir buni aylanib o‘tish yo‘llarini topib, internet tarmog‘iga chiqishadi”, — degan prezident. Shuningdek, uning o‘zi ham ijtimoiy tarmoqlardan foydalanishini va buni qulay aloqa vositasi deb hisoblashini aytgan.
Shu bilan birga, To‘qayev ijtimoy tarmoqlardan buzg‘unchi maqsadlarda foydalanishga yo‘l qo‘ymaslik kerak degan fikrda. “Albatta boshqa vositalardan ham foydalanish kerak. Internet — universal narsa. O‘ylab ko‘ramiz”, — degan prezident.
Izoh (0)