Қозоғистон президенти Қосим-Жўмарт Тўқаев қозоғистонликларга интернет ва ижтимоий тармоқларга киришни чеклаш керакми-йўқми, деган саволга жавоб берди.
«Nur.kz»нинг хабар беришича, президент россиялик журналист Алексей Пивоваровга берган интервюсида интернетдан фойдаланиш етарлича билимни талаб қилувчи мураккаб масала эканлигини таъкидлаган.
«Ҳозирги замонда шиллиққурт каби беркиниб олишнинг иложи йўқ. Барибир буни айланиб ўтиш йўлларини топиб, интернет тармоғига чиқишади», — деган президент. Шунингдек, унинг ўзи ҳам ижтимоий тармоқлардан фойдаланишини ва буни қулай алоқа воситаси деб ҳисоблашини айтган.
Шу билан бирга, Тўқаев ижтимой тармоқлардан бузғунчи мақсадларда фойдаланишга йўл қўймаслик керак деган фикрда. «Албатта бошқа воситалардан ҳам фойдаланиш керак. Интернет — универсал нарса. Ўйлаб кўрамиз», — деган президент.
Изоҳ (0)