Turizmni rivojlantirish qo‘mitasi O‘zbekiston hududlarining turistik brendlarini ishlab chiqishga doir tanlovning yakuniy bosqichi rasman yakunlanganini ma’lum qildi.
O‘tkazilgan ochiq umumxalq onlayn ovoz berish natijalariga ko‘ra, Toshkent shahri va viloyatlarning 9 ta turistik logotipi tanlab olindi. 5 nominatsiyada g‘olib aniqlanmadi, sababi ovozlarning 20 foizdan ortig‘i “barchasiga qarshi”ga berildi.
Turizmni rivojlantirish davlat qo‘mitasi g‘oliblarni qutlaydi va O‘zbekistonning turizm sohasi rivojiga qo‘shgan hissasi uchun barcha ishtirokchilarga minnatdorlik bildiradi.
Shu bilan birga, Andijon, Jizzax, Navoiy, Farg‘ona viloyatlari, shuningdek, Qoraqalpog‘iston Respublikasi uchun turistik logotiplarni saralash bo‘yicha tanlov qaytadan o‘tkaziladi. Qaytadan o‘tkaziladigan tanlov haqida batafsil ma’lumotlar qo‘mita sayti orqali e’lon qilinadi.
Izoh (0)