Туризмни ривожлантириш қўмитаси Ўзбекистон ҳудудларининг туристик брендларини ишлаб чиқишга доир танловнинг якуний босқичи расман якунланганини маълум қилди.
Ўтказилган очиқ умумхалқ онлайн овоз бериш натижаларига кўра, Тошкент шаҳри ва вилоятларнинг 9 та туристик логотипи танлаб олинди. 5 номинацияда ғолиб аниқланмади, сабаби овозларнинг 20 фоиздан ортиғи «барчасига қарши»га берилди.
Туризмни ривожлантириш давлат қўмитаси ғолибларни қутлайди ва Ўзбекистоннинг туризм соҳаси ривожига қўшган ҳиссаси учун барча иштирокчиларга миннатдорлик билдиради.
Шу билан бирга, Андижон, Жиззах, Навоий, Фарғона вилоятлари, шунингдек, Қорақалпоғистон Республикаси учун туристик логотипларни саралаш бўйича танлов қайтадан ўтказилади. Қайтадан ўтказиладиган танлов ҳақида батафсил маълумотлар қўмита сайти орқали эълон қилинади.
Изоҳ (0)