“O‘zbekiston ne’matlari” va “O‘zbekiston minerallari. Geologiya” turkumlariga oid yangi pochta markalari chiqarilmoqda

2019-yilning 11-iyulidan “O‘zbekiston pochtasi” aksiyadorlik jamiyati, O‘zbekiston Respublikasi Axborot texnologiyalari va kommunikatsiyalarini rivojlantirish vazirligi tomonidan “O‘zbekiston ne’matlari” turkumidagi yangi pochta markasi muomalaga chiqarildi, bu haqda O‘zA xabar qiladi.

Turkum 3 ta pochta markasidan iborat bo‘lib, kichik varaq ko‘rinishida chop etilgan. Pochta markalarida O‘zbekistonning yaxshi va qulay tabiiy-iqlim sharoitida o‘sadigan mevalar tasvirlangan. Mevalarning nomlari lotin tilida berilgan.

Pochta markalari bir necha rangda ishlangan. Ofset usulida bosilgan. Perforatsiyasi taroqsimon. Qog‘ozi oq silliq. Pochta markalarning o‘lchami 40×40 mm (aylana bilan). Kichik varaqning o‘lchami 160×80 mm. Pochta markalarning adadi 8 ming nusxadan. Rassom S.Farmonov, Dizayner U.Sulaymonov.

Identifikatsiya raqamlari berilgan va nominallar o‘rnatilgan.

1363. “Morus nigra” (Shotut) nominali – 1800 so‘m

1364. “Malum” (Olma) nominali – 3200 so‘m

1365. “Pyrus” (Nok) nominali – 3600 so‘m

Shuningdek, “O‘zbekiston minerallari. Geologiya” turkumiga oid pochta markalari ham muomalaga kiritildi. Mamlakat turli yer osti minerallariga, jumladan, neft, gaz, ko‘mir, oltingugurt, tuz, fosforit, qurilish materiallari va boshqalarga boydir.

Mazkur turkum 4 ta pochta markasidan iborat bo‘lib, kvartblok ko‘rinishida chop etilgan. Pochta markalarida O‘zbekiston zaminidan topilgan minerallarning namunalari tasvirlangan. Minerallarning nomlari o‘zbek tilida lotin grafikasida berilgan.

Pochta markalari bir necha rangda ishlangan. Ofset usulida bosilgan. Perforatsiyasi taroqsimon. Pochta markalarning adadi 8 ming nusxadan. Dizayner Ye.Kaneves.

Identifikatsiya raqamlari berilgan va nominallar o‘rnatilgan.