2019 йилнинг 11 июлидан «Ўзбекистон почтаси» акциядорлик жамияти, Ўзбекистон Республикаси Ахборот технологиялари ва коммуникацияларини ривожлантириш вазирлиги томонидан «Ўзбекистон неъматлари» туркумидаги янги почта маркаси муомалага чиқарилди, бу ҳақда ЎзА хабар қилади.
Туркум 3 та почта маркасидан иборат бўлиб, кичик варақ кўринишида чоп этилган. Почта маркаларида Ўзбекистоннинг яхши ва қулай табиий-иқлим шароитида ўсадиган мевалар тасвирланган. Меваларнинг номлари лотин тилида берилган.
Почта маркалари бир неча рангда ишланган. Офсет усулида босилган. Перфорацияси тароқсимон. Қоғози оқ силлиқ. Почта маркаларнинг ўлчами 40×40 мм (айлана билан). Кичик варақнинг ўлчами 160×80 мм. Почта маркаларнинг адади 8 минг нусхадан. Рассом С.Фармонов, Дизайнер У.Сулаймонов.
Идентификация рақамлари берилган ва номиналлар ўрнатилган.
1363. «Morus nigra» (Шотут) номинали – 1800 сўм
1364. «Malum» (Олма) номинали – 3200 сўм
1365. «Pyrus» (Нок) номинали – 3600 сўм
Шунингдек, «Ўзбекистон минераллари. Геология» туркумига оид почта маркалари ҳам муомалага киритилди. Мамлакат турли ер ости минералларига, жумладан, нефть, газ, кўмир, олтингугурт, туз, фосфорит, қурилиш материаллари ва бошқаларга бойдир.
Мазкур туркум 4 та почта маркасидан иборат бўлиб, квартблок кўринишида чоп этилган. Почта маркаларида Ўзбекистон заминидан топилган минералларнинг намуналари тасвирланган. Минералларнинг номлари ўзбек тилида лотин графикасида берилган.
Почта маркалари бир неча рангда ишланган. Офсет усулида босилган. Перфорацияси тароқсимон. Почта маркаларнинг адади 8 минг нусхадан. Дизайнер Е.Каневес.
Идентификация рақамлари берилган ва номиналлар ўрнатилган.
Изоҳ (0)