Islom Karimov nomidagi Toshkent xalqaro aeroportiga yangi Boeing 787-8 Dreamliner’i kelib qo‘ndi. Bu haqda Telegram’dagi “Novosti Tashkentskogo neba” kanalida ma’lum qilindi.
Muntazam tijoriy reyslarni amalga oshirishga mo‘ljallangan hisob bo‘yicha beshinchi drimlayner Everett (Vashington) shahridan o‘zbek ekipaji boshqaruvida Toshkent xalqaro aeroportiga uchib keldi. General Electric GEnx-1B dvigatellari bilan jihozlangan mazkur samolyot “biznes” va “ekonom” klasslarga ega.
Eslatib o‘tamiz, iyun oyida Uzbekistan Airways milliy aviakompaniyasiga mo‘ljallangan, bort raqami UK-78705 bo‘lgan yangi Boeing 787-8 Dreamliner samolyoti Everett aeroportidan Grant-Kaunti Mozes Leyk xalqaro aeroportiga sinov parvozni amalga oshirib, qaytgan edi.
Izoh (0)