Kaliforniya shtatidagi Menlo-Park shahrida Facebook kompaniyasiga tegishli pochta bo‘linmasi evakuatsiya qilindi. Bunga jo‘natilgan posilkalarning biridan zaharli zarin qoldiqlari topilgani sabab bo‘lgan, deb xabar beradi “Korrespondent.net”.
San-Mateo okrugi yong‘in xavfsizligi batalyoni boshlig‘ining so‘zlariga ko‘ra, hozirda shifokorlar posilkaga tegingan ikki nafar shaxsni tekshirish bilan shug‘ullanmoqda.
Dastlabki ma’lumotlarga ko‘ra, jabrlanganlar yo‘q.
O‘t o‘chiruvchilar tekshiruv vaqtida zarin izini topgan, biroq bu yolg‘on bo‘lib chiqishi ham mumkin.
Voqea joyiga FQB hamda AQSh Milliy gvardiyasi xodimlari yetib kelgan.
Facebook vakili Entoni Xarrisonning aytishicha, jami to‘rtta binodagi odamlar evakuatsiya qilingan.
Zarin — nervni falajlovchi fosfororganik zaharli modda. Rangsiz, hidsiz, tezda parlanib ketish xususiyatiga ega suyuqlik.
Izoh (0)