28-iyun, juma kuni futbol bo‘yicha O‘zbekiston Superligasining 13-turida Namanganning “Navbahor” klubi Navoiyning “Qizilqum” jamoasi mehmoni bo‘ldi.
Uchrashuvning 27-daqiqasida navoiyliklar hujumchisi Medina Smit hisobni ochgan bo‘lsa, 70 hamda 80-daqiqalarda “Navbahor” klubi a’zosi Aleksandr Kasyan dublga erishdi (1:2).
Shu tariqa “Navbahor” yangi murabbiy qo‘l ostida “Qizilqum” ustidan irodali g‘alabaga erishdi.
Avvalroq namanganliklar Andrey Kanchelskisni iste’foga chiqarib, uning o‘rniga O‘zbekiston terma jamosidagi faoliyati bilan muxlislarga tanish bo‘lgan Deyan Jurjevichni bosh murabbiy etib tayinlagan edi.
Mazkur g‘alabadan so‘ng Namangan klubi ochkolari sonini 21 taga yetkazib oldi va musobaqa jadvalida 3-o‘rinda bormoqda. “Qizilqum” esa 11 ochko bilan 11-o‘rinda bormoqda.
Superliga
13-tur bahslari
28-iyun, juma
“Qizilqum”—“Navbahor” 1:2
Gol: 1:0 — 27 Medina Smit, 1:1 — 70 Aleksandr Kasyan, 1:2 — 80 Aleksandr Kasyan“Qizilqum”: Yevgeniy Cheremisin, Erkin Boydullayev, Alisher Sanoyev, Fayzulla Qambarov, Salim Mustafoyev, Eldor Boymatov, Muhsinjon Ubaydullayev, Sherali Jo‘rayev, Elguja Grigalashvili, Maqsud Karimov, Medina Smit
“Navbahor”: O‘tkir Yusupov, Slavko Lukich, Oston O‘runov, Azimjon Ahmedov, Ivan Solovyov, Aleksandr Kasyan, Obid Jo‘raboyev, Mirzohid G‘ofurov, Igor Golban, Jahongir Mehmonov, Abbosjon G‘ulomov
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)