Jahon banki O‘zbekistondagi iqtisodiy o‘zgarish va bozor islohotlarini qo‘llab-quvvatlash uchun 500 million dollarlik kreditni ma’qulladi. Qonunchilik muammolari instituti matbuot xizmati ma’lum qilishicha, O‘zbekiston kreditni “Rivojlanish siyosatini amalga oshirish” (DPO) orqali oladi.
“O‘zbekistonning keng ko‘lamli islohotlari davom etmoqda, mamlakat fuqarolar va xalqaro hamjamiyat tomonidan qo‘llab-quvvatlanmoqda, — dedi Jahon bankining O‘zbekistondagi vakolatxonasi rahbari Hideki Mori.
Uning aytishicha, ushbu moliyaviy kredit islohotlar markazida xususiy sektorning o‘sishini qo‘llab-quvvatlash, ish o‘rinlarini yaratish va aholining kam ta’minlangan qatlamini yanada ko‘proq ijtimoiy integratsiyalashuvini ta’minlash uchun yanada murakkab institutsional islohotlarga o‘tishda qo‘shimcha yordam beradi.
Jahon banki ma’lumotlariga ko‘ra, O‘zbekistonga jami 3,6 milliard dollardan ziyod bo‘lgan 22 loyiha orqali yordam beriladi.
Izoh (0)