Qozog‘istonda saylovchilarning yarmidan ko‘pi ovoz berib bo‘ldi

Qozog‘istondagi prezidentlik saylovlarida mahalliy vaqt bilan 14.00 holatiga saylovchilarning 51,8 foizi ovoz berib bo‘ldi. Bu haqda “Nur.kz” xabar bermoqda.

Mamlakat va xorijda 9968 ta saylov uchastkasi ochilgan. Jami 11 947 995 nafar qozog‘istonlik ovoz berish huquqiga ega.

Prezidentlik saylovining dastlabki natijalari 10—11-iyun kunlari ma’lum bo‘ladi. Saylangan prezidentni ro‘yxatga olish 16-iyundan kech bo‘lmagan sanada amalga oshiriladi.