Toshkentning Uchtepa tumanida yashovchi A.T. 20-mart kuni Jizzaxning Forish tumanida viloyat IIVga murojaat qilib, tumanning “Egizbuloq” qishlog‘i hududidagi dala maydonida yurgan 26 bosh otlari yo‘qolganligini ma’lum qilgan.
IIV Jamoatchilik va OAV bilan aloqalar boshqarmasining xabar berishicha, holat yuzasidan jinoyat ishi qo‘zg‘atilgan.
Ko‘rilgan choralar natijasida jinoyatni Mizacho‘l tumani “Yerjar” mahallasida yashovchi 45 yoshli B.D., qarindoshi, Do‘stlik qishlog‘i “Ohunboboyev” mahallasida yashovchi 37 yoshli E.D. va Arnasoy tumani “Zarafshon” qishlog‘ida yashovchi 27 yoshli Y.O. sodir etgani aniqlanib, ushlangan.
Tergov davom etmoqda.
Izoh (0)