2018/19-yilgi mavsum “Oltin butsa”sining egasi deyarli aniq bo‘ldi

“Barselona” hujumchisi Lionel Messi oltinchi marotaba “Oltin butsa”ni qo‘lga kiritishga yaqin turibdi.

Agarda “Sampdoriya” hujumchisi Fabio Kvalyarella A Seriyaning 38-turida “Yuventus” darvozasiga 11 ta gol urmasa, 31 yoshli argentinalik ketma-ket 3 yil Yevropaning eng yaxshi snayperiga aylanadi.

Eslatib o‘tamiz, Messi La Liga doirasida 34 ta uchrashuv o‘tkazib, 36 ta gol urdi.

“Oltin butsa” 1968-yildan buyon o‘z egalariga topshirib kelinadi. Messi bungacha ushbu sovrinni 5 marta qo‘lga kiritgan va u bu borada rekordchi hisoblanadi. Krishtianu Ronaldu esa 4 marotaba mazkur mukofotga ega chiqqan.

2019-yilda “Oltin butsa”ga da’vogarlik qilayotgan futbolchilar ro‘yxati:

• Lionel Messi (“Barselona”) – 36 gol, 72 ochko
• Kilian Mbappe (PSJ) – 33 gol, 66 ochko
• Fabio Kvalyarella (“Sampdoriya”) – 26 gol, 52 ochko
• Mbaye Diane (“Galatasaroy”) – 30 gol, 45 ochko
• Muhammad Saloh (“Liverpul”) – 22 gol, 44 ochko
• Robert Levandovski (“Bavariya”) – 22 gol, 44 ochko
• Nikolya Pepe (“Lill”) – 22 gol, 44 ochko
• Duvan Sapata (“Atalanta”) – 22 gol, 44 ochko
• Pyer-Emerik Obameyang (“Arsenal”) – 22 gol, 44 ochko
• Sadio Mane (“Liverpul”) – 22 gol, 44 ochko
• Kshishtof Pyontek (“Milan”) – 22 gol, 44 ochko
• Krishtianu Ronaldu (“Yuventus”) – 21 gol, 42 ochko
• Dushan Tadich (“Ayaks”) – 28 gol, 42 ochko