Angliya Kubogi musobaqasining hal qiluvchi bahsida “Manchester Siti” jamoasi “Uotford” bilan bahs olib bordi.
Uchrashuvda hisobni David Silva 26-daqiqada ochgan bo‘lsa, 38-daqiqaga kelib, Gabi Jezusning uzatmasini Rahim Sterling bo‘sh qolgan darvozaga kiritib, hisobni yiriklashtirdi. Ikkinchi bo‘limning 61-daqiqasida Kevin de Bryuyne ham o‘z hisobiga gol yozdirib qo‘ydi. So‘ngra Gabi Jezus (68-daqiqa) va Rahim Sterling (81 va 87-daqiqalarda) gol kiritib, “Siti”ning 6:0 hisobidagi g‘alabasini ta’minladi.
Natijada “shaharliklar” mavsumdagi uchichni sovriniga ega chiqdi. Klub avvalroq Angliya Liga Kubogi va Angliya Premyer ligasida ham g‘olib bo‘lgandi.
Angliya Kubogi
Final
18-may, shanba
“Manchester Siti”—“Uotford” 6:0
Gollar: 1:0 – 26 Silva, 2:0 – 38 Sterling, 3:0 – 61 de Bryuyne, 4:0 – 68 Gabriel Jezus, 5:0 – 81 Sterling, 6:0 – 87 Sterling.Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)