O‘zbekiston Markaziy banki muomala davri 12 oy bo‘lgan davlat qimmatli qog‘ozlarni joylashtirish bo‘yicha 2019-yil 8-may kuni o‘tkazilgan auksion natijalari haqida ma’lumot berdi.
Joriy yilning 8-may kuni Markaziy bank tomonidan Moliya vazirligi bilan birgalikda O‘zbekiston valyuta birjasida muomala davri 12 oy bo‘lgan 1 million so‘m nominal qiymatga ega, umumiy hajmi 100 milliard so‘mlik 100 ming dona davlat qimmatli qog‘ozlarini joylashtirish bo‘yicha auksion savdolari o‘tkazilgan.
Qimmatli qog‘ozlar bo‘yicha foiz to‘lovlari har chorakda amalga oshiriladi.
Auksionda 9 ta diler ishtirok etgan bo‘lib, ular tomonidan 509 milliard so‘m hajmidagi 494 050 dona obligatsiyani sotib olish uchun raqobatli buyurtmanomalar taklif etildi.
Auksion davomida 100 000 dona qimmatli qog‘oz 104,1 milliard so‘m qiymatida joylashtirildi (chiqarilish umumiy hajmining 100 foizi).
Auksionda joylashtirilgan davlat qimmatli qog‘ozlarning so‘ndiriladigan umumiy hajmi 115 milliard so‘mni tashkil etadi.
Qimmatli qog‘ozlarning o‘rtacha tortilgan daromadliligi yillik 10,47 foizni tashkil etdi, bunda minimal daromadlilik darajasi 10,05 foizni va chegirish narx bo‘yicha maksimal daromadlilik darajasi 11,64 foizni tashkil qiladi.
Izoh (0)