AQSh ma’muriyati Xitoy tovarlariga boj to‘lovlarini 10 foizdan 25 foizgacha oshirish qarori kuchga kirdi. “TASS”ning xabar berishicha, Xitoy bunga qarshi javob berishi kutilmoqda.
Xitoy bosh vaziri o‘rinbosari Lyu Xe 9-may kuni Vashingtonga kelib, amerikalik hamkasblari — moliya vaziri Stiven Mnuchin va AQShning savdo muzokaralari bo‘yicha vakili Robert Laytxayzer bilan muzokaralar olib borgan. Muzokaralar 10-may kuni ham davom etadi.
Tramp 5-may kuni Xitoy bilan savdo-iqtisodiy muzokaralar “juda sekin borayotgani” tufayli 10-maydan boshlab tariflar oshirilishini ma’lum qilgan edi.
Robert Laytxayzer Pekin savdo masalalari bo‘yicha avvalgi maslahatlashuvlardagi kelishuvga amal qilmayotganini va oshirilgan boj to‘lovlari 10-maydan joriy etilishi ehtimolini tasdiqlagan.
Izoh (0)