Rossiya tashqi ishlar vaziri Sergey Lavrov Venesuelada sodir bo‘layotgan voqealar to‘g‘risida savol bergan CNN jurnalistiga keskin javob berdi, deb yozadi “RIA Novosti”.
CNN jurnalisti Lavrovdan, agar Vashington Venesuelaga bostirib kirishga qaror qilsa, Rossiyada “AQShning Venesuelaga intervensiyasini” to‘xtatib qolish uchun biror imkoniyat bor-yo‘qligi haqida so‘ragan.
“Ayrimlar kompaniyangizni ‘feyk-nyus’ deb ataydi, biroq siz hozir ‘feyk-savol’ beryapsiz”, — deb javob bergan Lavrov.
Vazir o‘zining bu so‘zlari bilan AQSh prezidenti Donald Tramp CNN telekanalini ishonchsiz xabarlar tarqatishda ayblab yozgan tvitlarini eslatib o‘tgan.
Izoh (0)