Россия ташқи ишлар вазири Сергей Лавров Венесуэлада содир бўлаётган воқеалар тўғрисида савол берган CNN журналистига кескин жавоб берди, деб ёзади «РИА Новости».
CNN журналисти Лавровдан, агар Вашингтон Венесуэлага бостириб киришга қарор қилса, Россияда «АҚШнинг Венесуэлага интервенсиясини» тўхтатиб қолиш учун бирор имконият бор-йўқлиги ҳақида сўраган.
«Айримлар компаниянгизни ‘фейк-нюс’ деб атайди, бироқ сиз ҳозир ‘фейк-савол’ беряпсиз», — деб жавоб берган Лавров.
Вазир ўзининг бу сўзлари билан АҚШ президенти Дональд Трамп CNN телеканалини ишончсиз хабарлар тарқатишда айблаб ёзган твитларини эслатиб ўтган.
Изоҳ (0)