Virgin Group asoschisi va milliarder Richard Brenson o‘zining kompaniyasiga tegishli Virgin Miami Central markazini ochilish vaqtida bir o‘limdan qoldi. Brensonning aytishicha, bu o‘z hayoti qil ustida qolgan 77-hodisa ekan, deb xabar beradi Forum Daily.
Markazning tantanali ochilish marosimida reklama banneri o‘rnatilgan po‘lat to‘sin qulab tushgan. U Brensonning boshidan bir necha santimetr naridan uchib ketgan.
Noxush hodisa oqibatida hech kimga zarar yetmagan. Bannerning qulashi tushirilgan videoni tadbirkor o‘zining Twitter’dagi sahifasiga joylashtirdi.
https://twitter.com/richardbranson/status/1120605459172528129
Kompaniyaning saytida ma’lum qilinishicha, ushbu hodisa milliarder hayoti qil ustida qolgan 77-hodisa hisoblanadi. Bundan oldingi holat 2017-yilda AQSh qirg‘oqlariga yopirilgan “Irma” to‘foni vaqtida sodir bo‘lgan.
Biznesmen, filantrop va dunyoning eng boy insonlaridan biri bo‘lmish Richard Brenson o‘z ichiga 400 ga yaqin turli yo‘nalishlarni qamrab olgan Virgin Group korporatsiyasiga asos solgan. Uning Virgin Galactic kompaniyasi koinotga oddiy insonlarni turistik maqsadlarni olib chiqishni rejalashtirayotgan Jeff Bezosning Blue Origin kompaniyasi bilan bahslashadi.
Izoh (0)