O‘zbekiston xalq shoirlari Usmon Azim va Mahmud Toir Farg‘ona vodiysida avtohalokatga uchradi, deya xabar bermoqda “Xabar.uz”. “Kun.uz”ning qo‘shimcha qilishicha, yo‘l-transport hodisasi Andijon viloyatining Marhamat tumanida yuz bergan.
Avariyaga uchragan mashinada taniqli shoir va jurnalist Nodir Jonuzoq ham bo‘lgan. “Xabar.uz” voqea Andijon viloyatidagi Muhammad Yusuf 65 yilligiga bag‘ishlangan tadbirlardan qaytish vaqtida, “Kun.uz” esa tadbirlarga borilgan vaqtda yuz bergani haqida yozmoqda.
“Xabar.uz”ning yozishicha, ijodkorlarga og‘ir shikast yetmagan, ularga qo‘l sinishi va bosh chayqalishi tashxisi qo‘yilgan (aynan kimlarga shunday tashxislar qo‘yilganiga aniqlik kiritilmagan).
“Kun.uz” ham shoirlar jiddiy jarohat olmagani, ular allaqachon Toshkentga yetib kelgani, faqat Usmon Azim poytaxtdagi kasalxonalardan biriga yotqizilganini qayd etgan.
Izoh (0)