Bugun,

  • USD 11095.31
  • RUB 173.84
  • EUR 10772.44

O‘zbekiston Yoshlar ittifoqi Samarqand viloyati Kengashi tomonidan viloyat Yoshlar markazida Ittifoqning faol a’zolari, oliy ta’lim muassasalarida to‘lov-kontrakt asosida tahsil olayotgan 645 nafar talabaning kontrakt-shartnoma puli to‘lab berilgani to‘g‘risidagi sertifikatlar topshirildi. Bu haqda viloyat Yoshlar Ittifoqining matbuot kotibi Shahnoza Xoliqova “Daryo”ga ma’lum qildi.

Foto: Samarqand viloyati Yoshlar Ittifoqi

Foto: Samarqand viloyati Yoshlar Ittifoqi

Unda o‘zlashtirish ko‘rsatkichi 86 foiz va undan yuqori bo‘lgan 114 nafar talaba viloyat Yoshlar ittifoqi tomonidan yillik shartnoma mablag‘ining 35 foizlik sertifikati bilan taqdirlandi. Shuningdek, O‘zbekiston yoshlar ittifoqining faol a’zosi bo‘lgan, O‘zbekiston Qurolli Kuchlari safida muddatli harbiy xizmatni o‘tab, qo‘mondonlikning tavsiyanomasiga asosan oliy ta’lim muassasalariga to‘lov-kontrakt asosida o‘qishga qabul qilingan 531 nafar talabaning bir yillik to‘lov shartnoma pulining 35 foizi to‘lab berilgan sovrindor talabalarga tantanali tarzda sertifikatlar topshirildi.

Foto: Samarqand viloyati Yoshlar Ittifoqi

Foto: Samarqand viloyati Yoshlar Ittifoqi

Taqdirlash marosimida Respublika Yoshlar markazi Samarqand viloyat bo‘linmasi raisi A.Aslonov so‘zga chiqib, sertifikat bilan taqdirlangan yoshlarga keyingi faoliyatlarida yanada faol bo‘lishni, oliy ta’lim muassasasi yaqinidagi maktablarda o‘z mutaxasisliklari bo‘yicha seminar-treninglar o‘tkazishlarini va yoshlarga o‘rnak bo‘lib, ularni ham shunaqa faol bo‘lishga o‘gatishni taklif qildi.

Izoh
Asosiy yangiliklar
Mahalliy
Farg‘onada italiyalik ayol YTH oqibatida vafot etdi
Mahalliy
Jahon banki prognozi: O‘zbekiston keyingi ikki yilda Yevropa va Markaziy Osiyo mintaqasidagi eng yaxshi iqtisodiy o‘sishga ega bo‘ladi
Shou-biznes
Qirol Abdulla II va qirolicha Raniya baxtining aks tomoni: Iordaniya qirollik oilasining sirlari va fojialari