Shimoliy Koreya yetakchisi Kim Chen In 24-aprelga o‘tar kechani chegaradosh Radjin shahrida o‘tkazadi, so‘ng Rossiyaga yo‘l oladi. Bu haqda “Kommersant” xabar bermoqda.
25-aprel kuni Russkiy orolida, Uzoq Sharq federal universiteti kampusida Vladimir Putin va Kim Chen Inning muzokaralari bo‘lib o‘tishi kutilmoqda. Universitet talabalariga 23-apreldan 27-aprelga qadar ta’til berilgan.
Shu kunning o‘zida Putin Xitoyga, “Bir makon, bir yo‘l” xalqaro forumiga jo‘nab ketadi. Kim Chen In esa Vladivostokda qoladi va shahardagi otasi Kim Chen Ir 2002-yilda tashrif buyurgan joylar bilan tanishadi.
Shimoliy Koreya yetakchisiga 230 kishidan iborat katta delegatsiya hamrohlik qilmoqda. Ularning barchasi Rossiyaga zirhli poyezdda keladi.
Izoh (0)