Шимолий Корея етакчиси Ким Чен Ин 24 апрелга ўтар кечани чегарадош Раджин шаҳрида ўтказади, сўнг Россияга йўл олади. Бу ҳақда «Коммерсантъ» хабар бермоқда.
25 апрель куни Русский оролида, Узоқ Шарқ федерал университети кампусида Владимир Путин ва Ким Чен Иннинг музокаралари бўлиб ўтиши кутилмоқда. Университет талабаларига 23 апрелдан 27 апрелга қадар таътил берилган.
Шу куннинг ўзида Путин Хитойга, «Бир макон, бир йўл» халқаро форумига жўнаб кетади. Ким Чен Ин эса Владивостокда қолади ва шаҳардаги отаси Ким Чен Ир 2002 йилда ташриф буюрган жойлар билан танишади.
Шимолий Корея етакчисига 230 кишидан иборат катта делегация ҳамроҳлик қилмоқда. Уларнинг барчаси Россияга зирҳли поездда келади.
Изоҳ (0)