Alisher Usmonov Rossiyaning eng boy biznesmenlari xayriya fondlari reytingida uchinchi o‘rinni egalladi

Forbes Rossiyaning eng boy biznesmenlarining 20 ta eng yaxshi xayriya fondlari reytingini taqdim etdi. Bu haqda “RBK” xabar berdi.

Reytingning birinchi pog‘onasini Yelena va Gennadiy Timchenko fondi egallagan. Ushbu fonddagi mablag‘lar bolalar va qariyalarga yordam berishga, shuningdek sport va madaniyatni rivojlantirishga sarflanadi. Jurnal fond budjetini 845 million rublga baholagan.

Bunda Forbes barcha fondlarning 2017-yilda sarflangan xarajatlariga asoslangan. Budjet mablag‘lari bilan bir qatorda har bir fond samaradorligi ham hisobga olingan.

Undan keyingi o‘rinni ta’lim va madaniyat sohasida faoliyat olib boruvchi Vladimir Potanin fondi egallagan. Forbes uning budjetini eng birinchi va barqaror deb atagan bo‘lib, 637 million rublni tashkil etgan.

Reytingning uchinchi pog‘onasidan Alisher Usmonovnin “San’at, ilm-fan va sport” fondi o‘rin olgan. Uning budjeti 1,4 milliard rublni tashkil etgan.

Avvalroq Alisher Usmonov Rossiyaning eng badavlat tadbirkorlari Top-10 taligida 9-o‘rinni egallagani haqida xabar bergan edik.