Алишер Усмонов Россиянинг энг бой бизнесменлари хайрия фондлари рейтингида учинчи ўринни эгаллади

Forbes Россиянинг энг бой бизнесменларининг 20 та энг яхши хайрия фондлари рейтингини тақдим этди. Бу ҳақда «РБК» хабар берди.

Рейтингнинг биринчи поғонасини Елена ва Геннадий Тимченко фонди эгаллаган. Ушбу фонддаги маблағлар болалар ва қарияларга ёрдам беришга, шунингдек спорт ва маданиятни ривожлантиришга сарфланади. Журнал фонд бюджетини 845 миллион рублга баҳолаган.

Бунда Forbes барча фондларнинг 2017 йилда сарфланган харажатларига асосланган. Бюджет маблағлари билан бир қаторда ҳар бир фонд самарадорлиги ҳам ҳисобга олинган.

Ундан кейинги ўринни таълим ва маданият соҳасида фаолият олиб борувчи Владимир Потанин фонди эгаллаган. Forbes унинг бюджетини энг биринчи ва барқарор деб атаган бўлиб, 637 миллион рублни ташкил этган.

Рейтингнинг учинчи поғонасидан Алишер Усмоновнин «Санъат, илм-фан ва спорт» фонди ўрин олган. Унинг бюджети 1,4 миллиард рублни ташкил этган.

Аввалроқ Алишер Усмонов Россиянинг энг бадавлат тадбиркорлари Топ-10 талигида 9-ўринни эгаллагани ҳақида хабар берган эдик.