15-aprel kuni Oliy Majlisi Qonunchilik palatasida Rossiya Federatsiyasi Davlat Dumasining Mudofaa bo‘yicha qo‘mitasi raisi, Rossiya qahramonlari assotsiatsiyasi prezidenti Vladimir Shamanov boshchiligidagi delegatsiya a’zolari bilan uchrashuv o‘tkazildi. Bu haqda Oliy Majlisi Qonunchilik palatasi matbuot xizmati xabar berdi.
Uchrashuv avvalida 2017—2021-yillarda O‘zbekistonni rivojlantirishning beshta ustuvor yo‘nalishi bo‘yicha Harakatlar strategiyasiga muvofiq mamlakatda olib borilayotgan tub islohotlar haqida ma’lumot berilgan. Xorijiy mamlakatlar, jumladan, Rossiya Federatsiyasi bilan parlamentlararo aloqalarni rivojlantirish va mustahkamlash yo‘lida amalga oshirilayotgan ishlar haqida so‘z yuritilgan.
Delegatsiya a’zolari Shavkat Mirziyoyev rahbarligida O‘zbekistonda qisqa vaqt mobaynida amalga oshirilayotgan ishlarga yuqori baho bergan. Shuningdek, aloqalarni mustahkamlash, barcha sohada jadal rivojlanib borayotgan O‘zbekiston—Rossiya hamkorligini yanada kengaytirish xususida fikr bildirgan.
Izoh (0)