Rossiyaning Tomsk bojxona xizmati mamlakat FXX mintaqaviy boshqarmasi va transport politsiyasi bilan hamkorlikda O‘zbekistonga kontrabanda yo‘li bilan yog‘och mahsulotlarini olib kirishga bo‘lgan urinishning oldini oldi, bu haqda “Xalq so‘zi” xabar berdi.
“Tomsk kompaniyasi O‘zbekistonga yog‘och materiallarini deklaratsiya qilishda bojxonaga soxta shartnomalar, ularga qo‘shimcha bitimlar va arralash to‘g‘risidagi ma’lumotnomalarni taqdim etgan. Hujjatlarni direktorning o‘zi tayyorlagan, biroq shartnomada ko‘rsatilgan O‘zbekiston fuqarosi ularni imzolamagan va yog‘och mahsulotlarini olmagan”, — deyiladi bojxona xabarida.
Shunday qilib kompaniya 2 ming 391,58 metr kub bo‘lgan umumiy qiymati 11 million rubldan ziyod yog‘och materiallarini noqonuniy eksport qilgan.
Mazkur holat yuzasidan Rossiya Federatsiyasi Jinoyat kodeksining tegishli moddasi bo‘yicha jinoyat ishi qo‘zg‘atilgan, kompaniya hujjatlari musodara etilgan.
Izoh (0)