Доминикалик қўшиқчи жаҳон рекордини ўрнатиш учун кетма-кет 106 соат давомида қўшиқ ижро этди, бироқ Гиннес рекордлари китоби вакиллари бу уринишни муваффақиятсиз деб топди. Бу ҳақда Univision ахборот портали хабар қилади.
Карлос Сильвер 29 март, жума куни қўшиқ куйлашни бошлади ва 3 апрель, чоршанба куни маҳаллий вақт билан соат 10 да куйлашни якунлади. Шу вақт ичида у беш мингдан зиёд қўшиқ ижро этди. Уни оиласи ва кузатувчилар қўллаб-қувватлаб турди.
Куйлашни тугатганидан сўнг, уни тез ёрдам машинасида олиб кетишди. Шифохонада уйқусизлик, очлик ва чарчоқ сабабли унда галлюцинация бошланди.
Жаҳон рекорди ҳинд қўшиқчиси Сунил Вагмарега тегишли эди, Сильвер аслида унга қараганда бир соатдан кўпроқ вақт ижро этган. Бироқ, кузатувчилар, унинг қўшиқлар орасида жуда узоқ муддатли танаффус олганлигини ҳис қилди. Қоидага кўра, қўшиқчи 30 сониядан ортиқ вақт дам олиши мумкин эмас. Сильвер эса тахминан икки дақиқа жим қолди.
Бу доминикалик қўшиқчининг рекорд ўрнатиш учун иккинчи уриниши эди. У кейинчалик яна уриниб кўрмоқчи.
https://youtu.be/nCTf6terAjc
Изоҳ (0)