Qo‘qon shahridagi tadbirkorlardan birining xonadonidan 705 ming dollar o‘g‘irlangan. “Xabar.uz”ning xabar berishicha, hodisa 2018-yil bahorida yuz bergan, biroq xonadon egalari o‘g‘ri “o‘zlarining ichidan” chiqqan bo‘lishi mumkinligini gumon qilib, to “muayyan dalillar”ga ega bo‘lmaguncha, militsiyaga murojaat qilmagan.
Oradan 11 oy o‘tib, hodisa yuzasidan oila haydovchisi I.A. ushlangan. Xabar berishlaricha, unga 700 ming dollarni o‘g‘irlashda tadbirkorning kelini ham yordam bergan. “Ayni paytda I.A. hibsga olingan”, — deyiladi internet-nashr xabarida.
Qayd etishlaricha, tadbirkorning oilasida haydovchi bo‘lib ishlagan I.A.ning onasi fuqarolik ishlari bo‘yicha Farg‘ona tumanlararo sudi sudyasi, otasi esa ko‘p yillar huquq-tartibot sohasida mehnat qilgan, hozirda advokatlik faoliyati bilan shug‘ullanadi.
“Ayni paytda Farg‘ona viloyat IIB tomonidan tergov ishlari olib borilmoqda”, — deyiladi xabarda.
Izoh (0)