Қўқон шаҳридаги тадбиркорлардан бирининг хонадонидан 705 минг доллар ўғирланган. «Xabar.uz»нинг хабар беришича, ҳодиса 2018 йил баҳорида юз берган, бироқ хонадон эгалари ўғри «ўзларининг ичидан» чиққан бўлиши мумкинлигини гумон қилиб, то «муайян далиллар»га эга бўлмагунча, милицияга мурожаат қилмаган.
Орадан 11 ой ўтиб, ҳодиса юзасидан оила ҳайдовчиси I.А. ушланган. Хабар беришларича, унга 700 минг долларни ўғирлашда тадбиркорнинг келини ҳам ёрдам берган. «Айни пайтда I.А. ҳибсга олинган», — дейилади интернет-нашр хабарида.
Қайд этишларича, тадбиркорнинг оиласида ҳайдовчи бўлиб ишлаган I.А.нинг онаси фуқаролик ишлари бўйича Фарғона туманлараро суди судьяси, отаси эса кўп йиллар ҳуқуқ-тартибот соҳасида меҳнат қилган, ҳозирда адвокатлик фаолияти билан шуғулланади.
«Айни пайтда Фарғона вилоят ИИБ томонидан тергов ишлари олиб борилмоқда», — дейилади хабарда.
Изоҳ (0)