Ukraina xavfsizlik xizmati shahar metro stansiyalaridan birida portlashni tayyorlashda gumon qilingan Xarkov shahri fuqarosini hibsga oldi, deya xabar beradi Meduza.
Ukraina xavfsizlik xizmati bayonotiga ko‘ra, Rossiya maxsus xizmatlari Ukrainadagi prezidentlik saylovlaridan oldin terroristik hujum uchun bir erkakni yollagan. Buning uchun unga 15 ming dollar to‘lagan.
Tergov versiyasiga ko‘ra, Rossiya maxsus xizmatlari unga 600 gramm trotil quvvatiga ega bo‘lgan portlovchi moslamani topshirgan. UXX operativ xodimlari shubhalanuvchini oldindan aniqlab, portlovchi moddalarni soxta nusxasi bilan almashtirib qo‘ygan. U uskunani metroga qo‘yayotgan paytda qo‘lga olindi. U terrorchilik hujumini uyushtirishga urinishda gumon qilinmoqda.
Izoh (0)