Украина хавфсизлик хизмати шаҳар метро станцияларидан бирида портлашни тайёрлашда гумон қилинган Харьков шаҳри фуқаросини ҳибсга олди, дея хабар беради Meduza.
Украина хавфсизлик хизмати баёнотига кўра, Россия махсус хизматлари Украинадаги президентлик сайловларидан олдин террористик ҳужум учун бир эркакни ёллаган. Бунинг учун унга 15 минг доллар тўлаган.
Тергов версиясига кўра, Россия махсус хизматлари унга 600 грамм тротил қувватига эга бўлган портловчи мосламани топширган. УХХ оператив ходимлари шубҳаланувчини олдиндан аниқлаб, портловчи моддаларни сохта нусхаси билан алмаштириб қўйган. У ускунани метрога қўяётган пайтда қўлга олинди. У террорчилик ҳужумини уюштиришга уринишда гумон қилинмоқда.
Изоҳ (0)