16-mart kuni Sog‘liqni saqlash vazirligi tomonidan mamlakat bo‘ylab Respublika yurish marafoni tashkil etildi. Bu haqda “Daryo”ga Sog‘liqni saqlash vazirligi matbuot xizmati xabar berdi.
Marafon Prezidentning o‘tgan yil 18-dekabridagi “Yuqumli bo‘lmagan kasalliklarning profilaktikasini, sog‘lom turmush tarzini qo‘llab-quvvatlash va aholining jismoniy faolligi darajasini oshirish chora-tadbirlari to‘g‘risida”gi qarorida belgilangan vazifalar ijrosini ta’minlash hamda aholi orasida sog‘lom turmush tarzini keng targ‘ib etish maqsadida o‘tkazildi.
Toshkentning Milliy stadionida Sog‘liqni saqlash vaziri Alisher Shodmonov boshchiligida boshlangan marafonda vazirlik markaziy apparati xodimlari, tizimdagi muassasalar rahbarlari, tibbiyot oliy o‘quv yurtlari rektorlari ham ishtirok etdi.
Shuningdek, tadbirda taniqli san’atkorlar, madaniyat namoyondalari chiqish qilgan.
Izoh (0)